"Оюу Толгой" ХХК-ийн Уул уурхайн ажилтны үйлдвэрчний эвлэлийн хороо болон БНСУ-ын Gangnam Grand Eye Нүдний Эмнэлэг хоорондын хамтын ажиллагаа албан ёсоор эхэлснийг дуулгахад таатай байна.

Тус эмнэлэг нь Бүгд Найрамдах Солонгос улсдаа энэ чиглэлийн эмчилгээ, үйлчилгээний чанараараа ТОП зэрэглэлд тооцогддог тэргүүлэх эмнэлгүүдийн нэг бөгөөд манай уурхайчид уг эмнэлгээр тусгай хөнгөлөлттэй нөхцөлөөр үйлчлүүлэх боломжтой болж байна

Уг хамтын ажиллагааны санамж бичигт "Оюу Толгой" ХХК-ийн Уул уурхайн ажилтны үйлдвэрчний эвлэлийн хорооны дарга хатагтай Д.Оюунтунгалаг, БНСУ-ын "Gangnam Grand Eye Clinic" эмнэлгийн захирал ноён LEE KWAN HOON нар 2026 оны 8 дугаар сарын 26-ны өдөр гарын үсэг зурж баталгаажууллаа.

Энэхүү түншлэл нь бидний хамгийн үнэт баялаг болох уурхайчидынхаа эрүүл мэндийг хамгаалах, нийгмийн баталгааг цогцоор нь хангах зорилготой юм.

________________________________________

ХӨНГӨЛӨЛТӨД ХЭН ХАМРАГДАХ ВЭ?

Үйлдвэрчний эвлэлийн гишүүдийн нийгмийн асуудлыг шийдвэрлэх хүрээнд дараах иргэд хөнгөлөлттэй үйлчлүүлэх эрхтэй бөгөөд энэхүү үйлчилгээ нь зөвхөн ҮЭХорооны гишүүдээр хязгаарлагдахгүй дараах өргөн хүрээг хамарч байна:

• "Оюу Толгой" ХХК-ийн үндсэн ажилтнууд.

• Уурхайн талбайд ажил үүрэг гүйцэтгэж буй нийт туслан гүйцэтгэгч компанийн ажилтнууд.

________________________________________

ХӨНГӨЛӨЛТИЙН НӨХЦӨЛ:

Дээрх ажилтнууд БНСУ-ын "Gangnam Grand Eye" эмнэлгээр үйлчлүүлэхдээ нүдний эрүүл мэндийн бүх төрлийн оношилгоо, тусламж үйлчилгээг тогтмол хувийн (%) хөнгөлөлттэй үнээр авна.

Санамж: Та үйлчлүүлэхдээ өөрийн ОТ САП дугаар бүхий үнэмлэхээ (ID CARD with SAP number) авч очихоо мартуузай.

________________________________________

ТУС ЭМНЭЛГИЙН ЦАГИЙН ХУВААРЬ (БНСУ-ын цагаар):

• Даваа–Баасан: 09:30–18:30

• Бямба: 09:30–15:00

• Ням: Амарна

________________________________________

БАЙРШИЛ БОЛОН ХОЛБОО БАРИХ:

• Сөүл хот, Метроны 2-р шугам, Gangnam өртөө (강남역), 5-р гарцаар гараад баруун гар талд "Gangnam Tower" барилгын 4, 5 давхарт.

• Солонгос хаяг: 서울 서초구 강남대로 363 강남타워 4층, 5층

• Газрын зураг (Google Maps): https://maps.app.goo.gl/xC2TjKcDxjMMPsii9

• Утасны дугаар (БНСУ дахь эмнэлэг):

+82 10-7533-1199

• Холбоо барих дугаар (Монгол дахь төлөөлөгч): +976 8803-6018

Илүү дэлгэрэнгүй мэдээллийг тус эмнэлгийн фэйсбүк пэйж хуудасны чатаар болон дээрх дугааруудаар холбогдож авах боломжтой.

• Чадварлаг эмч нар

• Найрсаг хамт олон

• Чанарын өндөр баталгаа

• Баталгаат орчуулга

Эрүүл ажилтан — Бидний хамгийн үнэт баялаг.