Эрхэм хүндэт гишүүд, үе үеийн тэргүүлэгчид, хяналтын зөвлөлийн эрхэм гишүүд, хүндэт удирдлагууд аа,

Та бүхэнд Оюу Толгой ХХК-ийн Уул Уурхайн Ажилтны Үйлдвэрчний Эвлэлийн хорооны үүсгэн байгуулагдсаны түүхт 20 жилийн ойн баярын мэндийг гүн хүндэтгэлтэйгээр өргөн дэвшүүлж байна.

Тус хороо нь анх

“Айвенхоу Майнз Монголия” ХХК-ийн Үйлдвэрчний Эвлэлийн Хороо нэртэйгээр

2006 оны 04 дүгээр сарын 27-ны өдөр үүсэн байгуулагдсан түүхтэй бөгөөд түүнээс хойш тасралтгүй үйл ажиллагаа явуулан өнөөг хүрчээ.

Өнгөрсөн 20 жилийн хугацаанд:

Ажилтан бүрийн эрх ашгийг хамгаалах

Хөдөлмөрийн нөхцөл, нийгмийн баталгааг сайжруулах

Хамтын гэрээ, хэлцлийг боловсронгуй болгох

Аюулгүй ажиллагаа, эрүүл ахуйн стандартыг бэхжүүлэх зэрэг олон чиглэлээр бодит ахиц, үр дүнд хүрсэн нь Та бүхний хамтын хөдөлмөр, хичээл зүтгэлийн тод илэрхийлэл юм.

Энэхүү амжилтын үндэс нь:

Үе үеийн удирдлага, тэргүүлэгчдийн хариуцлагатай манлайлал

Хяналтын хорооны мэргэжлийн үйл ажиллагаа

Нийт гишүүдийн идэвх, оролцоо, дэмжлэг

байсныг онцлон тэмдэглэж байна.

Мөн Оюу Толгой ХХК-ийн удирдлагуудтай харилцан хүндлэл, ойлголцолд суурилсан хамтын ажиллагааг тууштай хөгжүүлж ирсэн нь байгууллагын соёл, ажилчдын сайн сайхан байдалд үнэтэй хувь нэмэр оруулсан билээ.

Энэхүү 20 жилийн ой нь өнгөрснөө дүгнэж, ирээдүйгээ тодорхойлох чухал үе шат юм.

Цаашдаа та бүхэн эв нэгдлээ улам бэхжүүлж, ажилтан төвтэй бодлого, тогтвортой хөгжил, хариуцлагатай үйлдвэрлэлийн чиглэлд улам өндөр амжилт гаргана гэдэгт бат итгэлтэй байна.

Мөн 20 жилийн ойн хүрээнд олон талт арга хэмжээ, үйл ажиллагаанууд төлөвлөгдөж байгаа тул гишүүд та бүхнийг идэвх, санаачилгатай оролцохыг уриалж байна.

Та бүхэнд эрүүл энх, аз жаргал, ажил хөдөлмөрийн арвин их амжилтыг хүсэн ерөөе.

Оюу Толгой ХХК-ийн Уул Уурхайн Ажилтны Үйлдвэрчний Эвлэлийн хорооны 20 жилийн ойн баярын мэндийг дахин өргөн дэвшүүлье

Хүндэтгэсэн,

Оюу Толгой ХХК-ийн Уул Уурхайн Ажилтны

Үйлдвэрчний Эвлэлийн Хорооны Дарга

Д. Оюунтунгалаг