Монголын эрчим хүч, геологи, уул уурхайн ҮЭ-ийн холбооны түүхт 30 жилийн ойн баярын өдөр тохиож байна. Хөдөлмөрч уурхайчдынхаа эрх ашгийг хамгаалах үйлсэд тууштай зүтгэж буй манай “Оюу толгой” ХХК-ийн Уул уурхайн ажилтны үйлдвэрчний эвлэлийн хорооны удирдлага, тэргүүлэгчид хөдөлмөр зүтгэлээ төр засаг, олон нийтэд өндөрөөр үнэлүүллээ.

Үйлдвэрчний эвлэлийн хөдөлгөөнийг бэхжүүлэх, ажилтнуудынхаа нийгмийн баталгааг хангах үйлсэд манлайлан ажилласан эрхэм хамтран зүтгэгчиддээ халуун баяр хүргэе!

МҮЭ-ийн холбооны "ХӨДӨЛМӨРИЙН ХҮНИЙ ТӨЛӨӨ" медалаар:

Д.Оюунтунгалаг (“Оюу толгой” ХХК-ийн Уул уурхайн ажилтны ҮЭХ-ны дарга, 2006 онд тус хороог анх үүсгэн байгуулалцсан)

Аж үйлдвэр, эрдэс баялгийн яамны "ТЭРГҮҮНИЙ УУРХАЙЧИН" цол, тэмдгээр:

Г.Идэр (2006 онд тус хороог анх үүсгэн байгуулалцсан, 2021-2025 оны Тэргүүлэгч)

Аж үйлдвэр, эрдэс баялгийн яамны "ЖУУХ БИЧИГ"-ээр:

Б.Хэнмэдэхбаяр (“Оюу толгой” ХХК-ийн Уул уурхайн ажилтны ҮЭХ-ны тэргүүлэгч)

2006 оноос хойш уурхайчдынхаа дуу хоолой, түшиг тулгуур нь байсаар ирсэн та бүхний хөдөлмөрийн төлөөх цагаан үйлс улам бүр дэлгэрэх болтугай!

Энэ жил “Оюу толгой” ХХК-ийн Уул уурхайн ажилтны үйлдвэрчний эвлэлийн хорооны түүх 20 жилийн ой тохиож байгаа билээ

Хамт олондоо, зүтгэлтнүүддээ баяр хүргэж, сэтгэгдлээ үлдээгээрэй